Croeso
Mae Casglu'r Tlysau yn cynnwys dros 30,000 o ddelweddau o wrthrychau, llyfrau, llythyrau, awyrluniau ac eitemau eraill o amgueddfeydd, archifdai a llyfrgelloedd ledled Cymru.
Chwiliwch y map
Nawr gallwch chwilio am dlysau Cymru yn ddaearyddol gan ddefnyddio enwau lleoedd.
Poster rasys Nos Galan, Cwm Cynon, 1993
Mae rasys Nos Galan yn dathlu bywyd Griffith Morgan (Guto Nyth-brân, 1700-37) o Lanwynno; ei garreg fedd ef sydd ar y poster. Roedd Guto Nyth-brân yn adnabyddus am ei gyflymder fel rhedwr. Pan oedd yn 37 mlwydd oed fe dderbyniodd sialens i redeg 12 milltir o Gasnewydd i Gaerffili. Fe enillodd y ras yn hawdd, ond bu farw yn sydyn wrth y llinell derfyn wedi iddo gael ei daro ar ei gefn ar ddiwedd y ras gan un o'i gefnogwyr. Fe'i claddwyd ger Aberpennar.
Cynhaliwyd y rasys Nos Galan cyntaf ym 1958 ac maent wedi tyfu o un ras wibio 100 llath a ras pedair milltir i gyfres o rasys gyda'r ras 5 cilomedr yn uchafbwynt. Mae personoliaeth chwaraeon enwog yn mynychu'r rasys bob blwyddyn, gan osod torch ar fedd Guto.
Yr eitem nesaf yn y pwnc:
