Croeso
Mae Casglu'r Tlysau yn cynnwys dros 30,000 o ddelweddau o wrthrychau, llyfrau, llythyrau, awyrluniau ac eitemau eraill o amgueddfeydd, archifdai a llyfrgelloedd ledled Cymru.
Chwiliwch y map
Nawr gallwch chwilio am dlysau Cymru yn ddaearyddol gan ddefnyddio enwau lleoedd.
'Golygfa a Weithfeydd Haearn Nant-y-glo', gan Henry Gastineau yn ôl pob tebyg, tua'r flwyddyn 1829 (dyfrlliw)
Mae'r llun dyfrlliw dramatig hwn yn dangos gweithfeydd haearn nodweddiadol yn ne Cymru naill ai pan fo hi'n nosi neu gyda'r nos. Gellir gweld nifer o ffwrneisiau chwyth ar y naill ochr ac Afon Ebwy Fechan ar y llall gyda therasau o dai cynnar y gweithwyr gerllaw. Peintiwyd y llun pan oedd de Cymru yn dechrau dominyddu'r fasnach gledrau yn rhyngwladol, ac fe'i gyhoeddwyd fel engrafiad yn 'South Wales Illustrated' gan Gastineau ym 1830.
Mae'r gweithfeydd haearn yn Nant-y-glo, a oedd yn enwog am gynhyrchu barrau haearn, yn ymddangos yn nofel enwog Alexander Cordell, 'The Rape of the Fair Country', a osodwyd yn fuan cyn ac wedi dyddiad y llun dyfrlliw hwn.
Yr eitem nesaf yn y pwnc:
