Croeso
Mae Casglu'r Tlysau yn cynnwys dros 30,000 o ddelweddau o wrthrychau, llyfrau, llythyrau, awyrluniau ac eitemau eraill o amgueddfeydd, archifdai a llyfrgelloedd ledled Cymru.
Chwiliwch y map
Nawr gallwch chwilio am dlysau Cymru yn ddaearyddol gan ddefnyddio enwau lleoedd.
Pwced ganoloesol o Gastell y Bere, Llanfihangel-y-Pennant, 13eg ganrif
Pwced bren a wnaed o erwydd derw, gyda dolen haearn. Amgylchynwyd y bwced gan frigau helyg a phegiau cyfoes.
Credir mai'r Tywysog Llywelyn ab Iorwerth (Llywelyn Fawr) oedd yn gyfrifol am godi Castell y Bere, tua'r flwyddyn 1221. Dim ond am ychydig ddegawdau y bu'r castell yn nwylo'r Cymry oherwydd ym mis Ebrill 1283 ildiodd y castell i'r Saeson, y castell olaf i gael ei drechu gan Edward I yn ystod ei ymgyrch yn erbyn y Cymry. Yn dilyn hyn, cafodd y castell ei atgyweirio i raddau a sefydlwyd rhyw fath o anheddiad ger troed y bryn creigiog. Bu un ymgais arall i adennill y castell ym 1294, pan arweinodd Madog ap Llywelyn wrthryfel byrhoedlog yn erbyn y Saeson. Trechwyd Madog y flwyddyn ganlynol a daeth diwedd ar oes fer Castell y Bere. Gadawodd y Saeson yr anheddiad gerllaw ac ni ddefnyddiwyd y castell fyth wedyn.
Ffynhonnell:
http://www.castlewales.com/cybere.html
Yr eitem nesaf yn y pwnc:
