Ar y chwith mae clogyn gwlân coch o Sir Gaerfyrddin sy'n dyddio o ganol y 19eg ganrif, ac a wisgwyd gan hen fam-gu'r rhoddwraig (Mrs M. D. Lewis), ynghyd â het Gymreig. Ar y dde mae gwisg draddodiadol a wisgwyd gan Elizabeth Evans, Sychpant, Llanwenog, Sir Aberteifi, ar ddiwrnod ei phriodas yn yr 1860au. Mae'r wisg yn cynnwys 'betgwn' - gŵn agored yn y blaen, bodis mesuredig heb ffasninau, sgert hir, brethyn ffeltiog trwchus cartref ar agor yn y blaen, stribedi glas tywyll a choch am yn ail, dwy streipen gul yna un llydan rhwng dwy gul, y streipiau'n fertigol ar y gŵn ac yn llorweddol ar y llewys byr; y llewys wedi'u troi yn ôl a'u gorffen â rhuban sidan du; bodis wedi'i leinio â chotwm. Gwisgwyd gyda llewys cotwm blodeuog print, rhimynnog (wedi'i dorri oddi ar ffrog gynharach); mae'r ffedog sydd wedi'i gwisgo dros bais streipïog (na ellir ei gweld) o wlanen glas tywyll gyda siec glas goleuach, gyda'r llythrennau EE wedi'u brodio mewn pwythau croes sidan. Hyd y 'betgwn': 3'9".

Parhau i bori trwy Cymdeithasau llenyddol