Thema
Chwiliwch y map
Nawr gallwch chwilio am dlysau Cymru yn ddaearyddol gan ddefnyddio enwau lleoedd.
Gallwch chi gyfrannu hefyd!
Gallwch gyfrannu eich delweddau eich hunain i grŵp Flickr 'Cymru: Chwaraeon a hamdden' ac efallai y gwelwch hwy ar wefan Casglu'r Tlysau yn y dyfodol.
Pel-droed
Hafan » Themâu » Pel-droedPêl-droed
Ffurfiwyd Cymdeithas Pêl-droed Cymru ym 1876 gan gyfreithiwr o Wrecsam pan heriodd yr Alban Gymru i gêm ryngwladol.
Cafodd tîm cenedlaethol Cymru ddechreuad siomedig - cawsant eu curo 4-0 gan yr Alban a bu tair blynedd cyn i'r tîm sgorio mewn gêm ryngwladol.
Roedd y gogledd-ddwyrain yn ganolfan i bêl-droed yng Nghymru ar ddiwedd y 19eg ganrif. Ffurfiwyd Clwb Pêl-droed Wrecsam Athletic ym 1872 a daeth y rhan fwyaf o chwaraewyr y tîm cendlaethol o'r ardal honno yn y blynyddoedd cynnar. Wrecsam a enillodd y Cwpan Cymreig cyntaf ym 1877-78.
Cafodd tîm Cymru lwyddiant o'r diwedd ym 1907, gan ennill y pencampwriaeth am y tro cyntaf dan arweiniad Billy Meredith.
Erbyn dechrau'r ugeinfed ganrif, roedd pêl-droed yn cael ei chwarae yn ne Cymru a ffurfiwyd dau glwb proffesiynol: Clwb Pêl-droed Dinas Caerdydd ym 1910 a Chlwb Pêl-droed Dinas Abertawe ym 1912.
Eitemau ar wefan Casglu'r Tlysau:
Ffynhonnell
Martin Johnes, A History of Sport in Wales (Caerdydd, 2005)
