Rasio ceir a beiciau modur

Mae rasio ceir a beiciau modur wedi'u seilio ar yr un egwyddorion â rasio ceffylau, a dechreuodd yn wreiddiol ar ddechrau'r 20fed ganrif. Treialon amser beiciau modur yr Undeb Moduro ym Mhentywyn ym 1909 oedd y cyntaf i gael eu cynnal yng Nghymru. Tan 1925, gellid cynnal treialon amser ar ffyrdd cyhoeddus ond roeddent hefyd yn cael eu cynnal mewn caeau dan reoliadau'r Undeb Beicio Modur. O ddechrau'r 1920au, cynhaliwyd y Treialon Amser Chwe Diwrnod yn Llandrindod a'r TT Cymreig blynyddol ym Mhentywyn.

Mae coedwigoedd canolbarth Cymru yn arbennig o addas ar gyfer ralïau ceir ac maent yn cael eu defnyddio gan Bencampwriaethau Network Q. Mae Cymru wedi cynhyrchu dau o'r gyrwyr rali gorau, Gwyndaf Evans a David Llewellyn.

Nid oes cylchffyrdd Grand Prix yng Nghymru ond roedd un gyrrwr Fformiwla Un o Gymru yn ystod y 1970au. Roedd Tom Price o Ruthun yn rasio i dimau rasio Fformiwla Un Token a Shadow rhwng 1974 a 1977. Ef oedd y Cymro cyntaf i ddechrau ras Grand Prix Fformiwla Un yn y safle cyntaf. Cafodd ei ladd mewn damwain drasig yn Grand Prix De Affrica ym 1977.