Snwcer

Er fod tarddiad snwcer yn ail hanner y bedwaredd ganrif ar bymtheg a thyfodd mewn poblogrwydd yn yr ugeinfed ganrif, daeth yn boblogaidd yn bennaf ar ddiwedd y 1960au pan ddatblygwyd teledu lliw. Ym 1969, comisiynwyd twrnamaint snwcer Pot Black gan y BBC er mwyn arddangos manteision teledu lliw. Byddai'r penderfyniad hwnnw'n mynd â'r gamp o'i leoliad traddodiadol yn y neuaddau a'r tafarndai i mewn i ystafelloedd byw ledled y wlad. 

Mae Cymru wedi cynhyrchu sawl chwaraewr snwcer gyda'r gorau yn y byd dros y blynyddoedd. Roedd Doug Mountjoy, Ray Reardon a Terry Griffiths yn chwaraewyr enwog. 

Ar droad y 21ain ganrif, roedd Mark Williams o Glyn Ebwy a Matthew Stevens o Gaerfyrddin ymysg y gorau yn y byd. Roeddent wedi chwarae ei gilydd mewn rownd derfynol Pencampwriaeth y Byd yn 2000, ac enillodd Williams o 18 ffram i 16.